Mission e objectius

DIPLOCAT ei un consòrci publicoprivat qu'a coma objectiu connectar Catalonha damb eth mon e promòir activitats que projècten era imatge deth país tar exterior, en tot crear ligams e relacions de hidança damb era ciutadanetat e es institucions de d'auti païsi. En darrèr tèrme, DIPLOCAT s'adrece a publics internacionaus damb er objectiu d'establir-i un dialòg e influïr positivaments sobri era imatge qu'an de Catalona.

DIPLOCAT tanben encoratge ara societat civiu e as entitats catalanes a implicar-se e contribuïr enes principaus desfisi e debats globaus e estimule era sua capacitacion entà èster un actor important ena scèna internacionau, tà establir pònts de dialòg durables en temps, damb intencion d'escotar e èster escotadi. Se Catalonha vò vier un actor internacionau de prumèr orde, ei capitau qu'es institucions e collectivitats deth país poguen aportar eth sòn punt de vista ara ora de bastir ua societat internacionau mès justa, pacifica, democratica e durabla.

Es activitats dera entitat includissen quauqu'ues des practiques abituaus ena esfèra internacionau: d'escambis de bones practiques enquia iniciatives de projeccion digitau, debats academics, programes de visitaires o contactes damb premsa. Ath delà, DIPLOCAT trabalhe tà refortir es capacitats en relacions internacionaus des ciutadans, des collectivitats e des administracions de Catalonha, en tot autrejar borses e organizant corsi de formacion, ath madeish temps que les encoratge a èster actius enes principaus iniciatives de governança globau.

Documents

Podetz consultar era rèsta de documents estrategics, de trabalh e de balanç as apartats de Publicacions

Darrèra actualizacion: 18/01/2024

Eth nòste objectiu ei connectar Catalonha damb eth mon e promòir activitats que projècten era imatge deth país tar exterior, en tot crear ligams e relacions de hidança damb era ciutadanetat e es institucions de d'auti païsi.