Regions de montanha: entre eth despoblament e era massificacion

DIPLOCAT organize un debat virtuau sobri rèptes e sostenibilitat des regions muntanyoses eth pròplèu dijaus dia 6 de mai

Eth fenomèn dera despoblacion rurau represente un des principaus rèptes en l'actualitat enes païsi desvolopadi. Se mos fixam enes donades cartogràfiques, eth despoblament se produsís mès que mès en aqueri territòris que son consideradi airaus de montanha, qu'en dempús pòden arrecéber botassi de visitants es dies festius o pendent era sason d'esquí. Paradoxauments, era covid-19 pòt hèr part dera solucion ad aguest problèma. Era implantacion accelerada deth teletrabalh e eth replantejament de cèrtes formes de vida semble que provòque un flux lent mès contunhat de gent que partís de zònes urbanes cap a zònes mens poblades.

Aguesta serà ua des perspectives qu'includirà eth pròplèu debat digitau organizat per DIPLOCAT, eth pròplèu dijaus 6 de mai as 11 deth maitin, damb eth títol de "Rèptes entàs regions de montanha en Euròpa: dempús deth despoblament enquiara sostenibilitat". Eth debat se centrarà en tres zònes geografiques de montanha laguens d'Euròpa que destaquen pes sues accions recentes: era Val d'Aran, es regions aupines de Soïssa e era region d'Occitània en França. L'acte compde damb era collaboracion des delegacions deth Govèrn catalan en Soïssa e en França, ath delà deth Conselh de l'Aran.

Es ponents que preneràn part ath debat son es següents:

  • Fadri Ramming, secretari generau dera Conferéncia governamentau des regions aupines de Soïssa, qu'ei formada per 12 representantes institucionaus procedenti de 8 regions de montanha.
  • Thierry Rebuffat, assessor deth Gabinet dera presidenta dera region francesa Occitània/Pirenèus Mediterranèa, responsabla de gestion de territòri, montanha e zònes ruraus.
  • Maria Vergès, sindica d'Aran.

Era secretària generau de DIPLOCAT, Laura Foraster, darà era benvenguda as espectadors, e eth director dera revista Viure als Pirineus, Marcel·lí Pascual, harà de moderador. En debat s'utilizaràn eth catalan, er aranés, eth francès e er alemand, e i aurà traduccion simultània.

Inscripcions