Estatuts

Capítol 1. Disposicions generaus

Article 1

Eth Patronat Catalonha Mon - Conselh de Diplomacia Publica de Catalonha, d'ara entà deuant PCM - DIPLOCAT, ei ua entitat qu'a caractèr consorciau dotada de personalitat juridica pròpria, sometuda ar ordenament juridic public, e qu'a ua durada indefinida.

Article 2

1. Eth Govèrn dera Generalitat a era tòca d'impulsar iniciatiues que permeten era coneishença dirècta de Catalonha en encastre internacionau. Eth PCM - DIPLOCAT deu contribuïr ad aguesta tòca en tot méter en plaça er imatge, era reputacion e era projeccion internacionau de Catalonha mejançant era exportacion dera melhora coneishença dera realitat deth país e es sòns actius e valors uniques, entà fomentar era sua internacionalizacion. Eth compliment d'aguest objectiu repercutís dirèctaments en ua major atraccion d'investiments, coneishença, institucions e persones, e contribuís a generar opinion publica positiva en estrangèr e establís relacions de confidança en mon.

2. Aguesta tòca se concrète enes sies tòques estrategiques següentes:
2.1. Sostier era estrategia de diplomacia publica deth Govèrn de Catalonha.
2.2. Acordar per consensus era Mèrca Catalonha e impulsar-ne eth posicionament en exterior.
2.3. Fomentar era coneishença de Catalonha e es sòns actius e valors unics en exterior.
2.4. Promòir era vinculacion de Catalonha damb organizacions internacionaus.
2.5. Impulsar era participacion dera societat civiu catalana enes activitats de diplomacia publica.
2.6. Fomentar era formacion era diplomacia publica entà sensibilizar e melhorar era capacitat d'internacionalizacion dera societat catalana.

3. El PCM - DIPLOCAT s'adreça tant a la societat civil catalana com a la internacional.

Article 3

Eth PCM - DIPLOCAT a era sua sedença ena ciutat de Barcelona, sense perjudici qu'entath compliment des sues fins pogue mantier d'auti burèus en territòri de Catalonha.

Article 4

1. Son foncions deth PCM - DIPLOCAT es següentes:
a) Aconselhar es administracions catalanes, atau coma quina auta entitat que sigue publica o privada de Catalonha.
b) Requectar, tractar e difóner de forma adaptada era informacion sus es encastres deth sòn interès que dispòse per toti es mejans ara sua posita.
c) Organizar, promòir e coordinar corsi, conferéncies, seminaris e programes de visites internacionaus.
d) Organizar, promòir e coordinar campanhes de sensibilizacion.
e) Organizar, promòir e coordinar activitats de documentacion, estudi, diagnostic e recèrca.
f) Realizar publicacions especializades.
g) Autrejar bèques e ajudes a persones fisiques catalanes e internacionaus entà encoratjar era recèrca, e tanben instituïr prèmis damb era madeisha tòca.
h) Organizar o participar en quinsevolhe auta activitat locau o internacionau que, laguens deth sòn encastre de trabalh, sigue interessanta entàs sòns membres o, dirèctaments, entara societat catalana.

2. En totes es foncions precedentes eth PCM - DIPLOCAT deu velhar entà:
a) Associar as sues accions d'autes entitats publiques o privades de Catalonha o internacionaus entà garantir ua excellenta interaccion entre era societat catalana e eth mon.
b) Prestar ua atencion especiau a tot eth territòri de Catalonha mejançant era collaboracion damb es diferentes institucions e agents economics e sociaus de totes es comarques catalanes.

Article 5

Eth PCM - DIPLOCAT se regís pes disposicions d'aguesti Estatuts e pera nòrma aplicabla as consòrcis de Catalonha.

---

Capítol 2. Membres deth PCM - DIPLOCAT

Article 6

Eth PCM - DIPLOCAT ei integrat per aqueres institucions, organizacions e entitats publiques o privades detalhades ena annèxa d'aguesti Estatuts.

Article 7

1. Se pòden incorporar ath PCM - DIPLOCAT ues autes entitats damb decidida vocacion e trajectòria enes sòns encastres d'accion, en tot compdar en cada cas damb era aprobacion deth maximal organ de govèrn dera entitat e damb era ratificacion pera majoritat absoluda des membres deth Plen deth PCM - DIPLOCAT.

2. Es entitats qu'incorpòre eth PCM - DIPLOCAT an d'èster incorporades ena annèxa sense que sigue de besonh modificar aguesti Estatuts. Era annèxa actualizada la cau publicar en Jornau Oficiau dera Generalitat de Catalonha entara coneishença generau.

Article 8

Per acòrd deth Plen se pòden excludir deth PCM - DIPLOCAT es entitats membres as que siguen imputables actes o manifestacions que contradiguen dubèrtament es tòques deth PCM - DIPLOCAT.

---

Capítol 3. Organs deth PCM - DIPLOCAT

Article 9

Es organs de govèrn deth PCM - DIPLOCAT son es següents:

• Eth Plen.
• Eth Comitat Executiu.
• Eth secretari o secretària generau.

Sección 1. Eth Plen

Article 10

Eth Plen ei er organ de govèrn superior deth PCM - DIPLOCAT e ei integrat per:

a) Eth president o era presidenta, qu'ei eth president o presidenta dera Generalitat, que pòt delegar era presidéncia d'un Plen en membre deth Govèrn qu'a era titolaritat des competéncies en encastre exterior dera Generalitat de Catalonha, o en un aute conselhèr o conselhèra dera Generalitat de Catalonha.

b) Eth president o presidenta deth Comitat Executiu, qu'ei era persona titulara dera Secretaria d'Ahèrs exteriors dera Generalitat de Catalonha.

c) Es maximals representants des entitats locaus, escòles de negòcis, patronaus, crambes e associacions enterpresariaus listades ena annèxa d'aguesti Estatuts, que pòden delegar era sua assisténcia ath Plen en un cargue executiu dera institucion que representen.

d) Eth secretari o secretària dera Federacion Catalana de Caishes d'Estauvis e un representant o ua representanta d'aquera Federacion.

e) Dus rectors o rectores d'universitat, elegidi peth Conselh Interuniversitari de Catalonha.

f) Eth director o era directora generau competent en encastre des relacions exteriores dera Generalitat de Catalonha.

g) Un representant o ua representanta deth departament dera Generalitat competent en encastre dera internacionalizacion des enterpreses catalanes.

h) Eth titolar o era titolara deth Conselh Interuniversitari de Catalonha.

i) Eth secretari o era secretària generau deth PCM - DIPLOCAT.

Article 11

Correspon ath Plen deth PCM - DIPLOCAT:

a) Aprovar era proposicion d'Estatuts e proposar totes aqueres modificacions que calgue.

b) Aprovar eth plan annau d'accion, a proposicion deth Comitat Executiu, damb era sua dotacion financèra corresponenta.

c) Aprovar eth pressupòst annau e era liquidacion de compdes, a proposicion deth Comitat Executiu.

d) Ratificar era admission de naui membres e era exclusion d'aqueri que contradiguen es tòques deth PCM - DIPLOCAT.

e) A proposicion deth Comitat Executiu, proposar era transformacion e, se cau, era dissolucion e liquidacion deth PCM - DIPLOCAT.

f) Elegir, a proposicion deth president o dera presidenta deth Plen, eth secretari o era secretària generau.

g) Èster informat peth Comitat Executiu dera contractacion d'operacions de credit e d'autes obligacions de caractèr economic e financèr.

h) Èster informat peth Comitat Executiu der exercici des accions judiciaus e administratives de quin tipe que sigue, era interposicion de recorsi e, en generau, dera defensa des interèssi e des drets deth PCM - DIPLOCAT en quina sòrta de procediments que sigue.

e) Susvelhar eth compliment des tòques e es foncions deth PCM - DIPLOCAT.

j) Ues autes atribucions non assignades exprèssaments a d'auti organs enes presents Estatuts.

Article 12

-1 Eth Plen s'amasse preceptivaments en session ordinària un còp per an. Ena session cau aprovar era liquidacion de compdes, era memòria der an precedent, eth programa d'activitats e eth pressupòst der an que vierà.

-2 Eth Plen se pòt amassar en session extraordinària a instàncies deth president o dera presidenta, o dera majoritat des sòns membres.

-3 Eth president o era presidenta convòque es reünions deth Plen, mejançant eth secretari o era secretària generau, damb ua anticipacion minimau de quinze dies e jonh ara convocacion er orde deth dia e es rapòrts que calerà deliberar.

-4 En cas d'urgéncia, eth Plen se pòt convocar damb ua anticipacion minimau de quaranta ueit ores.

-5 Eth Plen demore validament constituït e pòt adoptar acòrds quan concorreràn era mitat mès un des sòns membres.

-6 En cada reünion deth Plen cau designar dus intervenents o intervenentes.

-7 Cossent damb er article 19.b), eth secretari o secretària generau deu redigir eth compde rendut dera reünion deth Plen e, en un termini maximau de quinze dies, lo deu reméter entara sua validacion as dus intervenents o invervenentes e ath president o ara presidenta deth Plen.

Article 13

-1 Es acòrds deth Plen son adoptadi per majoritat simpla des assistents, damb era excepcion prevista ena seccion següenta.

-2 Cau era majoritat absoluda des membres deth Plen entà aprovar eth suposat previst en article 11.a).

-3 Era Generalitat de Catalonha dispòse d'un nombre de vòtes parièrs ath dera rèsta de membres deth Plen, que dispòsen d'un vòte cadun d'eri. En cas d'egalizacion, eth vòte deth president o dera presidenta ei diriment.

Article 14

Correspon ath president o ara presidenta deth Plen:

a) Exercir era mès nauta representacion deth PCM - DIPLOCAT en toti es encastres.

b) Convocar es reünions deth Plen, mejançant eth secretari o era secretària generau, e fixar er orde deth dia, acordat per consensus entre eth president o era presidenta deth Comitat Executiu e eth secretari o era secretària generau, e en tot tier en compde es peticions des auti membres deth Plen.

c) Presidir es sessions e dirigir es debats.

d) Suspéner e lheuar es sessions.

e) Dar eth sòn acòrd as compdes renduts e as certificacions des acòrds adoptadi peth Plen.

f) Hèr usatge deth vòte de qualitat entà dirimir es ahèrs que se poguen suscitar en sen deth Plen.

Sección 2. Eth Comitat Executiu

Article 15

Eth Comitat Executiu ei er organ permanent de PCM - DIPLOCAT e ei format per:

a) Eth president o era presidenta deth Comitat Executiu.

b) Eth director o era directora generau competenta en encastre de relacions exteriores dera Generalitat.

c) Eth secretari o era secretària generau deth PCM - DIPLOCAT.

d) Un representant o ua representanta dera Associacion Catalana de Municipis e Comarques, e un representant o ua representanta dera Federacion de Municipis de Catalonha, en representacion des institucions der encastre locau que son membres deth PCM - DIPLOCAT.

e) Eth titular o era titulara deth Conselh Interuniversitari de Catalonha, en representacion des universitats e des centres d'estudis superiors que son membres deth PCM - DIPLOCAT.

f) Un representant o ua representanta dera Federacion Catalana de Caishes d'Estauvis.

g) Un representant o ua representanta deth Conselh Generau des Crambes Oficiaus de Comèrç, Indústria e Navegacion de Catalonha.

Article 16

Son competéncies deth Comitat Executiu:

a) Aprovar era plantilha de personau e era organizacion intèrna deth PCM - DIPLOCAT presentada peth secretari o pera secretària generau.

b) Autorizar o delegar, segons eth cas, era contractacion que sigue de besonh entath compliment des fins deth PCM - DIPLOCAT.

c) Autorizar es despenses laguens des limits mercadi pes nòrmes pressupostàries.

d) Aprovar eth programa d'activitats deth PCM - DIPLOCAT.

e) Nomentar as membres deth Conselh Consultatiu.

f) Velhar peth compliment der article 24.

g) Quines autes competéncies que sigue que, cossent damb era legislacion en vigor, li pogue correspóner.

Article 17

Son competéncies deth president o dera presidenta deth Comitat Executiu:

a) Supervisar era activitat deth PCM - DIPLOCAT d'acòrd damb es indicacions des organs de govèrn e velhar pera execucion des acòrds deth Plen.

b) Convocar, mejançant eth secretari o era secretària generau, es reünions deth Comitat Executiu e exercir-ne era presidéncia.

c) Presentar, ena session ordinària corresponenta deth Plen, un resumit des activitats realizades er an anterior e des sues implicacions pressupostàries.

d) Proporcionar ath Plen un plan d'activitats damb eth pressupòst annau.

e) Supervisar, Mejançant era secretaria generau, era gestion economica e administrativa deth PCM - DIPLOCAT, en tot ajustar-se as nòrmes qu'exigisquen era sua natura publica.

f) Mantier contacte damb es persones responsables des institucions e es entitats integrantes deth PCM - DIPLOCAT, damb era fin de garantir era maximala coordinacion foncionau.

g) Quines autes competéncies que sigue que, d'acòrd damb era legislacion en vigor, li poguen correspóner o li mane eth Plen deth PCM - DIPLOCAT o era majoritat deth Comitat Executiu.

Sección 3. Eth secretari o era secretària generau

Article 18

Eth secretari o era secretària generau ei elegit peth Plen deth PCM - DIPLOCAT a proposicion deth president o presidenta dera Generalitat, per un periòde de quate ans renauibles.

Article 19

Correspon ath secretari o ara secretària generau:

a) Executar e hèr a executar es decisions deth Plen e deth Comitat Executiu e, d'acòrd damb aguesti Estatuts, impulsar era activitat deth PCM - DIPLOCAT.

b) Actuar coma secretari o secretària deth Plen e deth Comitat Executiu, en tot convocar es reünions e en tot hèr eth compde rendut de cada session.

c) Mantier er archiu des compdes renduts e des documents qu'eth Plen li mane exprèssaments.

d) Dar eth supòrt de besonh entà qu'eth president o era presidenta deth Comitat Executiu pogue presentar ena session ordinària corresponenta deth Plen un resumit des activitats realizades e des sues implicacions pressupostàries der an precedent.

e) Dar eth supòrt de besonh entà qu'eth president o era presidenta deth Comitat Executiu pogue proposicionr un plan d'activitats damb eth pressupòst corresponent entar an posterior ena session ordinària corresponenta deth Plen.

f) Adoptar totes aqueres mesures que garantisquen eth corrècte foncionament deth PCM - DIPLOCAT en toti es encastres dera sua activitat, e dar-ne compde en cada reünion deth Comitat Executiu.

g) Representar legauments eth PCM - DIPLOCAT; en cas d'urgéncia pòt actuar sense er acòrd prealable deth Plen o deth Comitat Executiu, en tot dar-ne compde immediataments.

h) Exercir es accions administratives e judiciaus que calgue entà deféner es interèssi deth PCM - DIPLOCAT.

i) Proposar ath Comitat Executiu era politica de contractacion de personau e servicis.

j) Contractar es despenses cossent damb çò qu'ei previst en article 16.c), e presentar-ne era liquidacion ena reünion ordinària corresponenta deth Comitat Executiu.

k) Raportar eth foncionament deth PCM - DIPLOCAT e era evolucion des ingrèssi e es despenses en cada reünion deth Comitat Executiu.

l) Mantier contacte damb es persones responsables des institucions e es entitats integrantes deth PCM - DIPLOCAT, damb era fin de garantir era maximala coordinacion foncionau.

m) Dirigir es burèus, es sucursales e es servicis de representacion qu'eth PCM - DIPLOCAT pogue establir, cossent damb es instruccions des sòns organs superiors e damb ua informacion puntuau sus er estat des causes en cada reünion deth Comitat Executiu.

n) Dirigir era organizacion intèrna cossent damb eth capítol 5.

---

Capítol 4. Eth Conselh Consultatiu

Article 20

-1 Eth Conselh Consultatiu ei er organ assessor deth PCM - DIPLOCAT e ei integrat per persones e entitats catalanes o internacionaus de prestigi e e trajectòria arreconeishudi enes encastres dera economia, era politica, es ahèrs internacionaus o d'auti encastres d'interès, entath desvolopament des foncions qu'a assignades eth PCM - DIPLOCAT.

-2 Es membres deth Conselh Consultatiu son nomentadi peth Plen, per majoritat absoluda, per un periòde de quate ans renauibles, a proposicion deth Comitat Executiu.

-3 Eth president o era presidenta deth Comitat Executiu e eth secretari o era secretària generau assistissen as sues reünions damb votz e damb dret de vòte.

Article 21

Eth Conselh Consultatiu deth PCM - DIPLOCAT, laguens eth camp des tòques que son pròpries deth PCM - DIPLOCAT, propòse e contribuís ara realizacion d'activitats e adòpte aqueres resolucions que considère convenentes e, per miei deth president o dera presidenta deth Conselh Executiu, les remane ath Plen entath sòn debat e, se cau, entara sua aprobacion.

---

Capítol 5. Organizacion intèrna

Article 22

-1 Eth personau deth PCM - DIPLOCAT depen deth secretari o dera secretària generau.

-2 Eth PCM - DIPLOCAT se pòt noirir tant deth personau existent enes institucions e entitats que l'intègren coma des contractacions extèrnes, cossent damb es disposicions que sus aquera matèria siguen aplicables en cada cas.

---

Capítol 6. Regim economic e financèr

Article 23

Es recorsi economics deth PCM - DIPLOCAT son constituïdi per:

a) Transferéncies procedentes des pressupòsti dera Generalitat de Catalonha.

b) Aportacions d'auti membres deth PCM - DIPLOCAT ena forma qu'apròve eth Plen.

c) Dons e subvencions d'autes persones e entitats.

d) Quan esquèigue, era retribucion des servicis que prestarà.

Article 24

Era Generalitat de Catalonha se hè cargue des despenses de locaus e servicis minimaus de besonh entath foncionament deth PCM - DIPLOCAT, qu'includís es de personau. Ath delà, se hè cargue, aumens, dera mitat dera rèsta dera despensa d'activitat deth PCM - DIPLOCAT. En çò que tanh ara auta rèsta, cau seguir çò qu'acòrde eth Plen.

Article 25

Eth contraròtle financèr deth PCM - DIPLOCAT lo cau efectuar mejançant era forma d'auditoria jos era direccion dera Intervencion Generau dera Generalitat de Catalonha, cossent damb çò qu'establís era nòrma reguladora des finances publiques.

---

Capítol 7. Modificacion des Estatuts

Article 26

Era modificacion d'aguesti Estatuts la cau aprovar en tot seguir eth madeish procediment e requerís er acòrd prèvi deth Plen deth PCM - DIPLOCAT.

---

Capítol 8. Dissolucion deth PCM - DIPLOCAT

Article 27

-1 Eth PCM - DIPLOCAT se pòt dissòlver per iniciatiua pròpria deth Govèrn dera Generalitat o per acòrd pròpri, a peticion dera majoritat qualificada des tres cincaus parts des membres deth Plen deth PCM - DIPLOCAT.

-2 En cas de dissolucion, eth patrimòni que demore, un còp satisfètes es obligacions que pòt dar lòc era liquidacion deth PCM - DIPLOCAT e crubadi es credits que, s'esquè, se pogue auer contra tresaus, passe a integrar-se ath patrimòni dera Generalitat, exceptat es bens qu'agen pogut cedir ath PCM - DIPLOCAT es sòns membres o tresaus, qu'an de revertir enes sòns proprietaris enes condicions qu'establisquen es pactes signadi ar efècte.

Disposicion finau

Era interpretacion d'aguesti Estatuts correspon ath president o ara presidenta deth Plen, prèviaments escotat.

---

Decret 149/2012

Decrèt 149/2012, de 20 de noveme, de modificacion des Estatuts e dera denominacion deth Patronat Catalonha Mon, que ven Patronat Catalonha Mon - Conselh de Diplomacia Publica de Catalonha (PCM - DIPLOCAT) (DOGC 6259, de 22/11/2012)

Expedient complèt deth projècte de decret (en catalan)

Capítol 1. Disposicions generaus

Article 1. Natura, denominacion e assignacion

1.1 Eth consòrci Catalunya Internacional ei un consòrci constituït damb er objècte, es finalitats e es foncions que determinen aguesti Estatuts.

1.2 Eth consòrci Catalunya Internacional ei ua entitat de dret public, de caractèr associatiu, sense tòca lucrativa, de natura volontària e de durada indefinida, dotada de personalitat juridica pròpria e independenta dera des sòns membres, e damb plea capacitat d'obrar entath compliment des sues finalitats especifiques.

1.3 Eth consòrci Catalunya Internacional s'estaque ara Administracion dera Generalitat de Catalonha mejançant eth departament competent en encastre dera accion exteriora.

Article 2. Objècte

En encastre des competéncies des sòns membres, eth consòrci Catalunya Internacional a per objècte era promocion e era gestion d'iniciatives publicoprivades que permeten connectar e hèr a conéisher Catalonha en mon, e refortir era capacitat d'internacionalizacion dera societat civiu catalana, en tot contribuïr a posicionar era imatge, era reputacion e era projeccion de Catalonha en exterior.

Article 3. Finalitats

Er objècte deth consòrci Catalunya Internacional se concretize enes finalitats següentes, que s'amiaràn a tèrme mejançant era collaboracion publicoprivada:

a) Fomentar era coneishença e eth posicionament de Catalonha en exterior entà internacionalitzar-la e connectar-la damb eth mon.

d) Crear ligams e relacions de confidança damb era ciutadanetat e es institucions de d'auti païsi.

c) Analisar era preséncia e era reputacion de Catalonha en mon enes encastres d'interès comun des entitats consorciades.

d) Dar sosten ara preséncia de Catalonha en exterior e promòir era sua participacion publicoprivada enes principaus escomeses e enes grani debats globaus.

e) Dar sosten as estrategies d'internacionalizacion des entitats consorciades.

f) Fomentar era formacion e capacitacion en encastre internacionau des entitats e dera societat civiu de Catalonha entà per'mor de sensibilizar-les e melhorar-ne era capacitat d'internacionalizacion.

g) Promòir hilats de persones e entitats damb projeccion internacionau entà compartir objectius d'internacionalizacion de Catalonha.

Article 4. Funcions

Entà amiar a tèrme es tòques assignades, eth consòrci Catalunya Internacional pòt:

a) Impulsar bones practiques de collaboracion publicoprivada en encastre dera projeccion internacionau de Catalonha.

b) Aufrir conselh as administracions catalanes e ath conjunt des entitats consorciades.

c) Organizar, promòir, coordinar e difóner corsi, conferéncies, seminaris, publicacions, campanhes de sensibilizacion e programes de collaboracion publicoprivada relacionadi damb era internacionalizacion de Catalonha.

d) Organizar, promòir, coordinar e difóner activitats de documentacion, demoscopia, estudi e diagnostic entara internacionalizacion de Catalonha.

e) Organizar programes de visitaires internacionaus e d'escambi de bones practiques, tant en Catalonha coma en exterior, per encomana des entitats consorciades.

f) Convocar e autrejar borses, subvencions, ajudes e prèmis.

g) Organizar e participar en quinsevolha activitat d'iniciativa publicoprivada laguens o dehòra de Catalonha que, en sòn encastre de trabalh, sigue d'interès entàs entitats consorciades.

h) Formalizar convencions, acòrds de collaboracion e contractes damb persones e entitats publiques e privades.

i) Constituïr o participar en entitats dotades de personalitat juridica.

j) Amiar a tèrme totes es foncions e activitats que li atribuïsquen es disposicions en vigor o qu'acòrden es sòns membres.

Article 5. Sedença

5.1 Eth Consòrci Catalunya Internacional a era sedença ena ciutat de Barcelona.

5.2 Eth domicili sociau deth consòrci Catalunya Internacional ei eth qu'era Administracion dera Generalitat de Catalonha meterà ara sua disposicion.

Article 6. Regim juridic

Eth consòrci Catalunya Internacional se regís per aguesti Estatuts, pera normativa intèrna que les desplegue e pera rèsta de disposicions legaus de caractèr generau que siguen aplicables as entitats consorciades.

Article 7. Membres deth Consòrci

7.1 Eth consòrci Catalunya Internacional ei format pes administracions publiques, es entitats deth sector public institucionau e es entitats privades que se detalhen en annèxe.

7.2 Se pòden integrar en consòrci Catalunya Internacional autes administracions publiques e entitats que perseguissen es tòques deth Consòrci. Es sollicitacions entà incorporar-se coma membres deth Consòrci an d'èster avalades per bères ues des entitats qu'intègren eth Consòrci.

7.3 Era integracion de naui membres en Consòrci requerís qu'eth Conselh Rector ac apròve per majoritat absoluda des sòns membres, a prepausa rasonada dera persona qu'ocupe era Presidéncia.

7.4 Es entitats que s'i incorpòren s'auràn d'includir en annèxe sense besonh de modificar aguesti Estatuts. Er annèxe actualizat s'a de publicar en Diari Oficial de la Generalitat de Catalunya.

Article 8. Drets e déuers des membres deth Consòrci

8.1 Son drets des membres deth consòrci Catalunya Internacional es següenti:

a) Impulsar era artenhuda des tòques e es objectius deth Consòrci.

b) Participar enes organs de govèrn e de gestion d'acòrd damb çò que dispausaràn es Estatuts e eth Reglament organic e de regim intèrn.

8.2 Son déuers des membres deth consòrci Catalunya Internacional es següenti:

a) Subjectar era sua accion as Estatuts e ath Reglament organic e de regim intèrn.

b) Èster a disposicion des organs de govèrn e de gestion deth Consòrci ena realizacion des prètzhèts de collaboracion que les poguen èster requeridi enes encastres sociaus que les correspone.

Article 9. Suspension temporau des drets de participacion des membres deth Consòrci

9.1 Eth Conselh Rector pòt acordar, per majoritat absoluda des membres e a prepausa dera Presidéncia deth Consòrci, era suspension temporau dera participacion ena formacion des acòrds o en dret de vòt des entitats membres en cas que les siguen imputables actes o manifestacions que contradiguen dubertament es tòques deth Consòrci o non acomplisquen eth déuer de hèr es aportacions establides peth Conselh Rector.

9.2 En tot cas, cau compréner que se produsís un inacompliment deth déuer de hèr aportacions quan eth Conselh Rector acòrde revisar quauques ues des activitats deth Consòrci per inacompliment des compromesi de finançament d'ua entitat consorciada e aguesta non inície, en tèrme de dus mesi, eth procediment establit entà hèr era aportacion comprometuda.

---

Capítol 2. Organizacion e foncionament

Seccion 1. Eth classament des organs

Article 10. Organs de govèrn, gestion e conselh

10.1 Eth consòrci Catalunya Internacional se regís pes organs següenti:

a) Eth Conselh Rector

b) Era Presidéncia

c) Eth Conselh Executiu

d) Era Direccion Generau

10.2 Damb caractèr potestatiu, se pòt constituïr un organ consultatiu: eth Conselh consultatiu.

Seccion 2. El Conselh Rector

Article 11. Composicion

11.1 Eth Conselh Rector ei eth maximau organ de govèrn deth consòrci Catalunya Internacional e ei integrat pes membres següenti:

a) Era Presidéncia, que correspon ara persona titulara dera Presidéncia dera Generalitat de Catalonha.

b) Era Vicepresidéncia, que correspon ara persona titulara deth departament competent en encastre dera accion exteriora dera Administracion dera Generalitat de Catalonha.

c) Es vocalies, que se designen entre es membres consorciadi dera manèra següenta:

i) Cinc vocaus en representacion dera Administracion dera Generalitat de Catalonha, des quaus un ei era persona titulara deth secretariat sectoriau competent en encastre dera accion exteriora dera Administracion dera Generalitat de Catalonha e es auti quate son nomentadi pera persona titulara deth departament competent en encastre dera accion exteriora, un per iniciativa deth madeish titular deth departament competent en encastre dera accion exteriora e, es auti tres, un a prepausa dera persona titulara deth departament competent en encastre dera enterpresa, un aute a prepausa deth titular deth departament competent en encastre dera cultura e un aute a prepausa deth titular deth departament competent en encastre dera recèrca e es universitats.

ii) Ua vocalia entà cadua des autes entitats publiques e privades consorciades indicades en annèxe. Es entitats consorciades pòden acordar qu'era sua representacion sigue assumida pera persona qu'agís en representacion d'ua o de mès d'ua des entitats consorciades.

11.2 Es persones vocaus son nomentades e desseparades liurament pes entitats as quaus representen.

11.3 Enes casi d'abséncia, vacanta o malautia, o per quinsevolha auta causa justificada, as persones vocaus les substituís era persona que designe era entitat ara quau representen.

11.4 Eth director o directora generau deth Consòrci assistís as reünions deth Conselh Rector damb votz, mès sense vòt.

11.5 Eth Conselh Rector a de nomentar, a prepausa dera Presidéncia, un secretari o secretària, damb votz e sense vòt, qu'a d'auer ua licéncia o grad en Dret. Era eleccion dera persona titulara deth secretariat requerís eth vòt favorable dera majoritat absoluda des persones membres en prumèra votacion o dera majoritat simpla en dusau votacion.

Article 12. Competéncies

12.1 Correspon ath Conselh Rector:

a) Establir es critèris generaus d'accion e avalorar-ne periodicament eth compliment.

b) Aprovar eth plan estrategic deth Consòrci.

c) Aprovar eth plan de trabalh annau, damb era dotacion financèra corresponenta, e aprovar es accions e es projèctes consorciadi, damb eth sòn finançament.

d) Aprovar eth bilanç d'accion der an anterior.

e) Aprovar eth budget annau e es compdes annaus.

f) Aprovar es aportacions qu'acòrden es entitats membres deth Consòrci, talament coma recuelh er article 31.

g) Aprovar era admission de membres naui en Consòrci e era suspension temporau deth dret de vòt e dera participacion ena adopcion d'acòrds des membres que contradiguen es tòques deth Consòrci o non acomplisquen eth déuer de hèr es aportacions establides peth Conselh Rector.

h) Acordar era dissolucion e era liquidacion deth Consòrci.

i) Escuélher, a prepausa dera Presidéncia, era persona qu'a d'ocupar era Direccion Generau deth Consòrci e acordar-ne eth cessament.

j) Seguir, contrarotlar e avalorar era activitat deth Consòrci.

k) Aprovar era prepausa de modificacion des Estatuts.

l) Aprovar eth Reglament organic e de regim intèrn deth Consòrci.

m) Aprovar o establir es critèris d'eleccion des representants des entitats consorciades qu'an d'ocupar es vocalies deth Conselh Executiu.

n) Aprovar er organigrama e era relacion de lòcs de trabalh deth Consòrci.

o) Aprovar es bases generaus e es bases especifiques entà borses, subvencions, ajudes e prèmis.

p) Autorizar es modificacions budgetàries.

q) Acordar era constitucion de comissions de caractèr temporau entà pr'amor qu'informen sus tèmes remercables.

r) Quinsevolha auta foncion non atribuïda especificament a auti organs.

12.2 Eth Conselh Rector pòt delegar en Conselh Executiu o ena persona titulara dera Direccion Generau es foncions referides enes epigrafs n), o), p) e q) der apartat anterior. Er acòrd de delegacion s'a de publicar en diari oficiau corresponent.

Article 13. Reünions

13.1 Eth Conselh Rector s'amasse en session ordinària, aumens, dus còps per an.

13.2 Eth Conselh Rector se pòt amassar en sessions extraordinàries a iniciativa dera Presidéncia o a persuta dera majoritat des sòns membres.

13.3 Era assisténcia as reünions deth Conselh Rector non genère cap dret economic en favor des persones membres.

Article 14. Convocacions

14.1 Es reünions deth Conselh Rector se convòquen per escrit, per mejans electronics cada viatge que sigue possible, damb ua anticipacion minima de dètz dies naturaus, exceptat des casi d'urgéncia, segons eth vejaire dera Presidéncia, quan serà aumens de quaranta ueit ores. En aguest darrèr cas, cau qu'ena convocacion i cònste justificada era urgéncia.

14.2 Era convocacion a d'indicar eth lòc, eth dia e era ora dera reünion e er orde deth dia, e s'i a estacar er acte dera session anteriora e era documentacion de besonh entara deliberacion e era adopcion d'acòrds, sens tòrt qu'aguesta documentacion sigue disponibla en un lòc web, deth quau s'a de garentir era accessibilitat e era seguretat.

14.3 Solament se pòden tractar es ahèrs que figuren en orde deth dia, exceptat que i siguen presentes totes es entitats membres e se declare era urgéncia der ahèr damb eth vòt favorable dera majoritat absoluda.

Article 15. Sessions

15.1 Es sessions deth Conselh Rector non an caractèr public e se celèbren de forma presenciau en domicili sociau deth Consòrci o, cada viatge qu'atau s'especifique ena convocacion, en un lòc diferent.

15.2 Eth Conselh Rector se pòt amassar, quan esquèigue, mejançant videoconferéncia, multiconferéncia o quinsevolh aute sistèma que non implicarà era preséncia fisica des persones que ne hèn part, en tot garentir era identificacion des persones que participen ena session. Era reünion s'a de compréner celebrada en domicili deth Consòrci.

15.3 Eth Conselh Rector pòt acordar era participacion enes sues deliberacions, solament entà pr'amor d'informar melhor es sòns membres, de titulars d'organs administratius, de persones ath servici dera foncion publica e de persones expèrtes, quan era natura o era complexitat des ahèrs que s'agen tractar ac conselhen.

Article 16. Assisténcia e adopcion d'acòrds

16.1 Entara constitucion valida deth Conselh Rector, entà pr'amor de desvolopar es sessions e deliberacions e d'adoptar acòrds, cau que i siguen presentes es persones titulares dera Presidéncia e deth secretariat deth Conselh Rector o, s'esquè, aqueres que les substituiràn, e, aumens, era mitat des vocaus. En cas qu'ua o diuèrses entitats agen exercit, d'acòrd damb çò qu'establís er article 11.1, era facultat d'autrejar era representacion, era computacion des vocaus assistenti a d'includir es representacions efectuades ath favor d'eri.

16.2. Era Generalitat dispause d'un nombre de vòts parièr ath dera rèsta de membres deth Conselh Rector, que dispausen d'un vòt cadun d'eri. En cas de balotatge, règle eth resultat des votacions eth vòt dera Presidéncia.

16.3 Es acòrds deth Conselh Rector s'adòpten per majoritat simpla. Cau era majoritat absoluda des vòts entà aprovar era prepausa d'estatuts e es sues modificacions, e entà suspéner es drets des membres. Se requerís ua majoritat qualificada des tres cincaus parts des vòts entà acordar era dissolucion deth Consòrci.

16.4 Enes casi qu'es sessions s'amien a tèrme per mejan de videoconferéncia, multiconferéncia o quinsevolh aute sistèma que non implique era preséncia fisica des persones membres, s'an d'establir sistèmes tecnologics o audiovisuaus que garentisquen era validitat deth vòt.

16.5 Es persones membres deth Conselh Rector pòden delegar eth sòn vòt ena Presidéncia, era Vicepresidéncia o en ua vocau deth Conselh Rector.

Article 17. Drets e déuers des persones membres deth Conselh Rector

17.1 Son drets des persones membres deth Conselh Rector es següenti:

a) Exercir es sues foncions damb objectivitat e imparcialitat, e damb libertat d'expression.

b) Recéber era convocacion que contengue er orde deth dia dera reünion e era informacion sus es tèmes que i figuren enes tèrmes establidi.

c) Assistir e participar damb votz e vòt en totes es sessions deth Conselh Rector, damb dret a obtier, damb era anticipacion qu'establissen aguesti Estatuts, era informacion e era documentacion de besonh entà prononciar-se enes debats e es votacions.

d) Presentar prepauses entà includir-les en orde deth dia des sessions deth Conselh Rector e sollicitar ara Presidéncia era convocacion d'ua session enes tèrmes e damb es requisits qu'establissen aguesti Estatuts.

e) Exercir eth dret a vòt, formular vòts particulars e exprimir eth sens deth sòn vòt e es motius que lo justifiquen.

f) Pausar qüestions.

17.2 Son déuers des persones membres deth Conselh Rector es següenti:

a) Representar eth consòrci Catalunya Internacional en reünions e gestions deuant de tresaus persones, individuaument o collectivament, quan era Presidéncia o era Direccion Generau les ac demanaràn de forma exprimida e entà un ahèr determinat.

b) Participar enes jurats e es comissions d'avaloracion de borses, subvencions, ajudes e prèmis deth consòrci Catalunya Internacional, s'atau ac establissen es bases reguladores corresponentes e se les nomente damb aguest objècte.

c) Participar enes corsi, expausats, conferéncies e taules redones organizades peth consòrci Catalunya Internacional coma reportaires o moderadors en encastre dera sua especialitat.

d) Elaborar o coordinar articles e publicacions promoigudes peth Consòrci.

Article 18. Eth secretariat deth Conselh Rector

18.1 Es foncions dera persona qu'ocupe eth secretariat deth Conselh Rector, ath delà d'encuedar-se dera legalitat formau e materiau des accions deth Consòrci, son:

a) Hèr era convocacion des sessions per orde dera Presidéncia.

b) Elaborar es actes des sessions.

c) Liurar es certificats apertienti.

d) Archivar e préner suenh des actes.

e) Comunicar e facilitar as membres deth Conselh Rector era informacion de besonh entà exercir es sues foncions.

f) Totes es autes foncions inerentes ath cargue.

18.2 Eth mandat dera persona titulara deth secretariat a ua durada de quate ans, e pòt èster relheuat deth cargue o renauit entà naui periòdes de quate ans. Un viatge acabat eth mandat, contunhe d'exercir es foncions pròpries deth secretariat enquia que sigue renauida o substituïda.

18.3 En cas de vacant, malautia o abséncia, era persona titulara deth secretariat ei substituïda pera persona qu'exercís era Direccion Generau deth Consòrci o pera persona ath servici deth Consòrci qu'era Direccion Generau designe entad aquera session.

Seccion 3. Era Presidéncia

Article 19. Atribucion

19.1 Era Presidéncia deth Consòrci correspon ara persona titulara dera Presidéncia dera Generalitat de Catalonha.

19.2 Enes casi d'abséncia, vacanta o malautia, o per quinsevolha auta causa justificada, era persona titulara dera Presidéncia ei substituïda pera persona titulara dera Vicepresidéncia deth Conselh Rector e, en abséncia o per impossibilitat d'aguesta, per ua des persones qu'ocupen ua vocalia en representacion dera Administracion dera Generalitat de Catalonha designada pera Vicepresidéncia.

Article 20. Competéncies

Correspon ara Presidéncia deth consòrci Catalunya Internacional:

a) Exercir era representacion ordinària deth Consòrci.

b) Ordenar era convocacion des sessions deth Conselh Rector, mejançant eth secretariat deth Conselh Rector.

c) Fixar er orde deth dia des sessions, en tot tier en compde es peticions dera rèsta de membres formulades damb era anticipacion sufisenta.

d) Presidir e lheuar es sessions deth Conselh Rector, moderar es deliberacions e es debats, e reglar es balotatges damb eth sòn vòt ena adopcion d'acòrds.

e) Suspéner es sessions per ua causa justificada.

f) Prepausar ath Conselh Rector era incorporacion ath Consòrci o era suspension des drets de participacion d'ua entitat consorciada.

g) Prepausar ath Conselh Rector eth nomentament e eth cessament deth director o directora generau.

h) Prepausar ath Conselh Rector eth nomentament e eth cessament dera persona qu'ocupe eth secretariat deth Conselh.

i) Dar er assentiment as actes des acòrds adoptadi enes reünions deth Conselh Rector e as certificacions des acòrds desliuradi peth secretariat.

j) Assegurar eth compliment des leis.

k) Totes es autes foncions inerentes ath cargue.

Seccion 4. Eth Conselh Executiu

Article 21. Composicion

21.1 Eth Conselh Executiu ei er organ permanent d'administracion e gestion deth Consòrci. A era composicion següenta::

a) Era Presidéncia, que correspon ara persona qu'ocupe era Vicepresidéncia deth Conselh Rector. Enes casi d'abséncia, vacanta o malautia, o per quinsevolha auta causa justificada, s'aplique eth regim de substitucion establit per article 19.

b) Es vocalies, que son exercides per persones designades coma vocaus deth Conselh Rector, d'acòrd damb era composicion següenta:

i) Dues persones en representacion dera Generalitat de Catalonha, des quaus ua ei era persona titulara deth secretariat sectoriau competent en encastre dera accion exteriora dera Administracion dera Generalitat de Catalonha. Eth vòt d'aguestes vocalies ei unic e indivisible, e eth sòn pes enes decisions deth Conselh Executiu ei equivalent ath deth globau des autes vocalies.

ii) Dues persones en representacion des administracions locaus e es entitats municipalistes, que se corresponen damb es vocaus designadi pes entitats municipalistes.

iii) Dues persones en representacion des universitats, des instituts universitaris de recèrca e des escòles de negòcis.

iv) Dues persones en representacion des sectors economics, sindicau, empresariau e sociau.

Es vocalies les ocuparàn es persones designades pes entitats consorciades de cadun des sectors representadi. Eth Conselh Rector apròve era prepausa des critèris d'eleccion des representants des entitats consorciades qu'ocupen es vocalies deth Conselh Executiu, formulada pes entitats consorciades as quaus se referissen es subapartats ii), iii) e iv) der apartat b) e, en cas que non se formule cap prepausa, definís es critèris d'eleccion.   

21.2 Era persona titulara dera Direccion Generau assistís as reünions damb votz, mès sense vòt.

21.3 Era persona qu'ocupe eth secretariat deth Conselh Rector assumís tanben es foncions inerentes ath secretariat deth Conselh Executiu.

Article 22. Funcions

22.1 Correspon ath Conselh Executiu:

a) Adoptar era prepausa de plan estrategic deth Consòrci.

b) Adoptar era prepausa de plan de trabalh annau, damb era dotacion financèra corresponenta, e des accions e es projèctes consorciadi, damb eth sòn finançament.

c) Adoptar era prepausa de bilanç d'accion der an anterior.

d) Adoptar era prepausa de budget annau e es compdes annaus.

e) Prepausar ath Conselh Rector era constitucion de comissions de caractèr temporau entà informar sus tèmes remercables sus es quaus calgue adoptar acòrds.

f) Sollicitar ath Conselh Rector que se pronóncie sus era admission de naui membres, era dissolucion e era liquidacion deth Consòrci e era modificacion des Estatuts.

g) Establir es limits economics qu'era Direccion Generau a de besonh a compdar dera autorizacion entà sosmissionar e adjudicar es contractes deth Consòrci e autrejar era autorizacion corresponenta.

h) Autorizar es encomanes a entitats qu'agen atribuïda era condicion de mejan pròpri.

i) Soscríuer protocòus e convencions de collaboracion damb subjèctes de dret public e dret privat quan auràn per objècte era contribucion ath compliment des foncions estatutàriament atribuïdes ath Consòrci e ath sòn foncionament intèrn.

j) Autorizar es operacions d'endeutament o d'aval, damb eth compliment prealable des requisits legaus e es autorizacions en vigor en cada moment.

k) Exercir es accions judiciàries e administratives de quinsevolha sòrta, era presentacion de recorsi e, en generau, era defensa des interèssi e es drets deth Consòrci en quinsevolha sòrta de procediment.

l) Aprovar es convocacions, er autrejament e eth refús de borses, subvencions, ajudes e prèmis, e era iniciacion e resolucion des dorsièrs de revocacion de borses, subvencions, ajudes e prèmis.

m) Reconéisher e liquidar toti es drets en favor deth Consòrci e autorizar e comprométer despenes, reconéisher obligacions e ordenar pagaments, laguens des limits mercadi pera normativa budgetària.

n) Totes es qu'eth Conselh Rector considerarà oportun sosméter ara sua consideracion.

22.2 Eth Conselh Executiu pòt delegar ena persona titulara dera Direccion Generau es foncions referides enes epigrafs h), k), l) e m) der apartat anterior.

Article 23. Regim de foncionament deth Conselh Executiu

23.1 Entà exercir es sues competéncies, eth Conselh Executiu s'amasse aumens tres viatges per an, mès pòt amassar-se es viatges que considère convenent, prealabla convocacion dera Presidéncia, per iniciativa pròpria o quan ac sollicitarà bèra ua des entitats consorciades.

23.2 Entà constituïr-se de manèra valida e entà adoptar acòrds, eth Conselh Executiu s'a de regir pes madeishes disposicions establides en aguesti Estatuts entath Conselh Rector.

Seccion 5. Era Direccion Generau

Article 24. Nomentament

24.1 Era persona titulara dera Direccion Generau la nomente eth Conselh Rector a prepausa dera Presidéncia prealable concors public, entà un periòde de quate ans renauibles.

24.2 Era vinculacion dera persona titulara dera Direccion Generau ei era d'ua relacion laborau de caractèr especiau de nauta direccion. 

24.3 Era persona titulara dera Direccion Generau ei substituïda enes casi d'abséncia, vacanta o malautia, o per quinsevolha auta causa justificada, pera persona titulara dera Presidéncia deth Conselh Executiu e, en abséncia o impossibilitat d'aguesta, peth naut cargue deth departament competent en encastre d'accion exteriora qu'era Vicepresidéncia deth Conselh Rector designe.

Article 25. Competéncies

25.1 Era Direccion Generau ei er organ a qui correspon era direccion administrativa e tecnica deth Consòrci e encuedar-se entà pr'amor qu'agisque d'acòrd damb es principis d'economia, transparéncia, celeritat e eficacitat.

25.2 Correspon ara Direccion Generau:

a. Dirigir era activitat deth Consòrci, d'acòrd damb es directritzes deth Conselh Executiu.

b. Elaborar eth Reglament organic e de regim intèrn e eslheuar-ne era prepausa ath Conselh Executiu.

c. Elaborar era prepausa deth plan estrategic e deth plan de trabalh annau damb era dotacion financèra corresponenta; presentar ath Conselh Executiu es prepauses d'accions e des projèctes consorciadi damb eth sòn finançament e hèr eth contraròtle dera sua execucion e des activitats previstes.

d. Administrar eth patrimòni deth Consòrci, d'acòrd damb es directritzes deth Conselh Executiu, e encuedar-se dera conservacion e era mantenença des installacions.

e. Gerir es recorsi financèrs, en tot ordenar e en tot executar despenes e en tot contractar obligacions consent damb eth budget aprovat e d'acòrd damb es autorizacions o es delegacions hètes peth Conselh Executiu.

f. Formalizar es operacions d'endeutament e d'aval prealablament autorizades peth Conselh Executiu.

g. Exercir es foncions d'organ de contractacion per delegacion o damb era autorizacion deth Conselh Executiu, e hèr eth contraròtle dera execucion de tota era contractacion deth Consòrci.

h. Elaborar era prepausa de budget annau deth Consòrci.

i. Elaborar era prepausa de bilanç d'accion der an anterior e presentar-la ath Conselh Executiu.

j. Formular es compdes annaus.

k. Elaborar era prepausa des bases reguladores de tota sòrta de borses, subvencions, ajudes e prèmis.

l. Premanir era documentacion des ahèrs que calgue amiar ara consideracion deth Conselh Rector e deth Conselh Executiu, e informar sus tot çò que calerà entà pr'amor qu'es persones membres des conselhs poguen exercir de manèra apropriada es sues competéncies.

m. Exercir deuant des administracions e es tribunaus tota sòrta d'accions en cas d'urgéncia e informar-ne eth Conselh Executiu damb eth tèrme mès brèu possible.

n. Negociar es acòrds de besonh entath foncionament deth Consòrci consent damb eth plan estrategic e eth plan de trabalh annau aprovat peth Conselh Rector e es convencions, es protocòus o es autes airines de collaboracion damb autes administracions o damb entitats publiques e privades.

o. Executar es acòrds deth Conselh Rector e deth Conselh Executiu.

p. Elaborar era prepausa de modificacion des Estatuts.

q. Èster eth/era cap deth personau e de toti es servicis.

r. Prepausar er organigrama e era relacion de lòcs de trabalh deth Consòrci.

s. Definir era organizacion intèrna deth Consòrci. 

t. Adoptar totes es mesures que garentisquen eth foncionament corrècte deth consòrci en toti es encastres dera sua activitat, en tot rénder compde ath Conselh Executiu.

25.3 Es foncions que li deleguen eth Conselh Rector e eth Conselh Executiu, d'acòrd damb es articles 12.2 e 22.2.

Seccion 6. Eth Conselh consultatiu

Article 26. Competéncies

26.1 Eth Conselh Rector pòt acordar era creacion d'un Conselh consultatiu compausat per persones expèrtes de prestigi reconeishut en objècte e es tòques deth Consòrci. Era sua finalitat ei conselhar eth Conselh Rector, eth Conselh Executiu e era Direccion Generau, e agir coma organ de pensament e reflexion.

26.2 Es membres deth Conselh consultatiu non perceben cap retribucion ne drets d'assisténcia.

---

Capítol 3. Regim de personau e economicofinancèr

Article 27. Regim e classes de personau

27.1 EI personau ath servici deth Consòrci pòt èster foncionari o laborau, e a de procedir exclusivament des administracions participaires.

27.2 Eth sòn regim juridic ei eth dera Administracion publica d'assignacion e es sues retribucions en cap cas non pòden despassar es establides entà lòcs de trabalh equivalenti d'aguesta Administracion.

27.3 Excepcionaument, quan non serà possible dispausar de personau procedent des administracions participaires en Consòrci pr'amor dera singularitat des foncions que s'an d'exercir o quan, dempús d'un anonci public de convocacion entara cobertura d'un lòc de trabalh restrenhut as administracions consorciades, non siguesse possible corbir aguest lòc, er organ competent dera Administracion d'assignacion pòt autorizar era contractacion dirècta de personau per part deth Consòrci entà exercir es foncions mencionades.

Article 28. Patrimòni

28.1 Intègren eth patrimòni deth Consòrci:

a) Es bens, es drets, es accions, es productes e es rendes que li apòrten es entitats consorciades.

b) Es bens, es drets, es accions, es productes e es rendes qu'eth Consòrci aquerisque o recebe per quinsevolh títol.

28.2 Eth Consòrci a d'elaborar e a de mantier degudament actualizat e avalorat un inventari de toti es bens qu'intègren eth sòn patrimòni.

28.3 Eth Consòrci a, sus es bens qu'intègren eth sòn patrimòni, es facultats de gestion e administracion de besonh entà complir es sues finalitats.

28.4 Eth regim patrimoniau deth Consòrci ei eth qu'establís era normativa que regule eth patrimòni dera Administracion d'assignacion.

Article 29. Regim financèr

29.1 Es regims budgetaris, de comptabilitat e de contraròtle aplicable ath Consòrci son es dera Administracion d'assignacion.

29.2 Eth Consòrci ei subjècte a auditorat financèr en encastre deth contraròtle financèr establit entad aguesta sòrta d'entitats pera normativa reguladora des finances publiques de Catalonha, jos era responsabilitat dera Intervencion Generau dera Generalitat de Catalonha.

29.3 Eth budget deth Consòrci hè part des budgets dera Administracion d'assignacion.

29.4 Es compdes deth Consòrci s'includissen en compde generau dera Administracion d'assignacion.

Article 30. Recorsi economics

Es recorsi economics deth Consòrci son es següenti:

a) Es aportacions des administracions e es entitats consorciades, d'acòrd damb era normativa intèrna e çò que s'aprovarà enes budgets respectius.

b) Es aportacions volontàries des membres deth Consòrci entara realizacion d'activitats.

c) Es rendements derivadi deth sòn patrimòni.

d) Es subvencions, transferiments e donacions que hèsquen ath sòn favor persones o entitats publiques o privades.

e) Es ingrèssi produsidi pes taxes, es prètzi e es tarifes que pogue obtier pes sues activitats.

f) Es crèdits e prèsti que li siguen concedidi.

g) Auti legaument establidi.

Article 31. Aportacions des administracions e es entitats consorciades

31.1 Eth Consòrci compde annaument damb aportacions provenentes des entitats consorciades, ja sigue en forma de transferiments corrents o de capitau, aportacions patrimoniaus o en espècia, damb era finalitat de garentir eth finançament des despenes de foncionament deth Consòrci.

Es entitats consorciades pòden hèr aportacions volontàries entà finançar activitats o projèctes enes tèrmes qu'acòrden damb eth Consòrci.

31.2 Ena mesura que non siguen cubèrtes pes ingrèssi pròpri deth Consòrci, es entitats consorciades assumissen es aportacions de besonh entà hèr tèsta as despenes de foncionament deth Consòrci sus era basa des critèris següenti:

a) Era Administracion dera Generalitat de Catalonha a de hèr era aportacion majoritària, qu'a de èster sufisent entà corbir es despenes de foncionament ordinari, es quau includissen, en tot cas, es despenes de personau.

b) Es auti membres deth Consòrci an de hèr es aportacions, en concèpte de quòtes o d'aportacions en espècia, de besonh entara planificacion de trabalh annau e es projèctes qu'a de desvolopar eth Consòrci.

Entre de d'autes, an era consideracion d'aportacions en espècia eth compliment des déuers de collaboracion damb eth Consòrci ena realizacion de prètzhèts, qu'establís er article 8.2 entàs entitats consorciades, e eth compliment des déuers de representacion e participacion enes activitats deth Consòrci, qu'er article 17.2 establís entàs membres deth Conselh Rector.

Aguestes quòtes de finançament o es aportacions en espècia an d'èster concretades annaument peth Conselh Rector deth Consòrci.

Article 32. Eth budget e eth plan de trabalh deth Consòrci

32.1 Eth Conselh Rector apròve eth budget annau d'ingrèssi e despenes.

32.2 Eth Consòrci a d'elaborar eth plan de trabalh annau, qu'apròve eth Conselh Rector, a prepausa deth Conselh Executiu. Eth plan a d'indicar era relacion d'activitats que s'an d'executar e eth sòn budget.

---

Capítol 4. Modificacion des Estatuts, exercici deth dret de desseparacion e dissolucion deth Consòrci

Article 33. Modificacion des Estatuts

Eth procediment de modificacion estatutària s'inície per acòrd deth Conselh Rector. Quinsevolha prepausa de modificacion l'a d'aprovar era majoritat absoluda deth Conselh Rector e la deuen ratificar es entitats consorciades. Era modificacion s'a de publicar en Diari Oficial de la Generalitat de Catalunya.

Article 34. Exercici deth dret de desseparacion

34.1 Quinsevolha des entitats consorciades pòt acordar desseparar-se deth Consòrci, damb es condicions següentes:

a) Ac deu hèr per mejan d'un escrit notificat ath Conselh Rector damb un preavís de tres mesi, e deu justificar eth motiu dera desseparacion.

b) A d'èster ath fial des compromesi aqueridi e garentir, s'esquè, era liquidacion des obligacions budgetàries aprovades abans d'exercir eth dret de desseparacion.

34.2 Er exercici deth dret de desseparacion produsís era dissolucion deth Consòrci, a excepcion deth cas en qu'era rèsta des membres n'acòrden era continuitat e seguisquen apertenent ath Consòrci aumens pendent dues administracions, sense compdar es entitats o es organismes vinculadi, d'acòrd damb era legislacion en vigor e ena forma establida en aguesti Estatuts.

34.3 Quan er exercici deth dret de desseparacion non comportarà era dissolucion deth Consòrci, era Intervencion Generau dera Administracion d'assignacion a de calcular era quòta de desseparacion, en tot atier es madeishi critèris que s'an d'aplicar en cas dera liquidacion.

34.4 S'era Administracion qu'exercís eth dret de desseparacion ei era Administracion dera Generalitat de Catalonha, eth Conselh Rector a d'acordar era assignacion deth Consòrci a ua des administracions que demoren en Consòrci.

34.5 Eth Conselh Rector a d'acordar era manèra e es condicions deth pagament dera quòta de desseparacion, s'ei positiva, e tanben era manèra e es condicions de pagament deth deute que correspone a qui exercís eth dret de desseparacion s'era quòta ei negativa.

Article 35. Dissolucion deth Consòrci

35.1 Eth Consòrci se dissòlv per acòrd des entitats que l'intègren o pr'amor dera impossibilitat legau o materiau de complir es sòns objectius. Correspon ath Conselh Rector acordar-ne era dissolucion pera majoritat qualificada regulada per article 16.3. Er acòrd de dissolucion l'an de ratificar es organs competents des entitats consorciades.

35.2 En acòrd de dissolucion s'a de determinar era manèra coma s'a de liquidar er actiu e eth passiu e coma s'a de amiar a tèrme era reversion des òbres e es installacions, que, en tot cas, s'an d'incorporar as entitats consorciades, aumens, ena proporcion des aportacions realizades. Es bens cedidi en usatge pes entitats integrantes deth Consòrci s'an de retornar.

35.3 Eth Conselh Rector, en adoptar er acòrd de dissolucion, a de nomentar un organ liquidador, qu'a de èster un organ o ua entitat vinculada ara Administracion d'assignacion o que ne depene.

35.4 Er organ liquidador a de calcular era quòta de liquidacion que correspon a cada membre deth Consòrci, d'acòrd damb era participacion que li correspone en equilibri resultant der patrimòni net dempús dera liquidacion. Entà calcular eth critèri de despartiment, s'an de tier en compde tant eth percentatge des aportacions qu'age efectuat cada membre deth Consòrci ath hons patrimoniau coma eth finançament concedit cada an.

35.5 Eth Conselh Rector a d'acordar era forma e es condicions en que s'a de debanar eth pagament dera quòta de liquidacion en cas que aguesta resulte positiva.

35.6 Es entitats consorciades pòden acordar, damb eth vòt favorable de toti es membres deth Conselh Rector, era cession globau d'actius e passius a ua auta entitat deth sector public juridicament adequada damb era finalitat de mantier era continuitat dera activitat e abastar es tòques deth Consòrci que s'extinguís. Aguesta cession implique era extencion sense liquidacion deth Consòrci e, en conseqüéncia, era absorcion deth personau que i rendèsse servicis en moment dera cession.

---

Annèxe. Es entitats membres deth consòrci Catalunya Internacional son es següentes:

Organismes consorciadi

Institucions publiques e entitats associatives der encastre locau

1. Generalitat de Catalonha

2. Ajuntament de Barcelona

3. Ajuntament de Tarragona

4. Ajuntament de Girona

5. Ajuntament de Lhèida

6. Ajuntament de Viella e Mijaran

7. Deputacion de Barcelona

8. Deputacion de Tarragona

9. Deputacion de Girona

10. Deputacion de Lhèida

11. Conselh Generau d'Aran

12. Associacion Catalana de Municipis e Comarques (ACM)

13. Federacion de Municipis de Catalonha (FMC)

Universitats, escòles de negòcis e instituts universitaris de recèrca

14. Universitat de Barcelona (UB)

15. Universitat Autonòma de Barcelona (UAB)

16. Universitat Politecnica de Catalonha (UPC)

17. Universitat Pompeu Fabra (UPF)

18. Universitat de Lhèida (UdL)

19. Universitat de Girona (UdG)

20. Universitat Rovira i Virgili (URV)

21. Universitat Ramon Llull (URL)

22. Universitat Dubèrta de Catalonha (UOC)

23. Universitat de Vic - Universitat Centrau de Catalonha (UVic-UCC)

24. Universitat Internacionau de Catalonha (UIC)

25. Universitat Abat Oliba CEU (UAO CEU)

26. Institut Barcelona d'Estudis Internacionaus (IBEI)

27. EADA Business School

28. Barcelona School of Economics (BSE)

Entitats des sectors economic, empresariau, sindicau e sociau

29. Conselh Generau des Crambes Oficiaus de Comèrç, Industria e Navegacion de Catalonha

30. Foment deth Trabalh Nacionau

31. Micro, petita e mejana enterpresa de Catalonha (PIMEC)

32. Confederacion de Cooperatives de Catalonha

33. Associacion Multisectoriau d'Enterpreses (AMEC)

34. Fondacion Privada d'Enterpreneires (FemCAT)

35. Union Generau de Trabalhadors de Catalonha (UGT)

36. Comissions Obrères de Catalonha (CCOO)

37. Taula d'Entitats deth Tresau Sector Sociau de Catalonha

38. FC Barcelona