Què hem
Alumni DIPLOCAT amasse totes es persones qu’an recebut formacion en encastre des relacions internacionaus e era integracion europèa ath long des quaranta ans d’istòria dera entitat.

DIPLOCAT aufrís a compdar der an 1983 un Programa de bèques entà realizar estudis en estrangèr en encastre des relacions internacionaus e, a compdar der an 2019, tanben aufrís bèques entà realizar estudis euromediterranèus en campus de Natolín deth Collègi d'Euròpa en Polònia.

Ath delà, eth consòrci a agut en passat bèques entà hèr estades de practiques ena sedença de DIPLOCAT o enes delegacions deth govèrn de Catalonha en exterior, e actuaument aufrís es estades d'estudiants en practiques ena sedença dera entitat.

Fin finau, DIPLOCAT organizèc cinc edicions deth Mastèr Executiu en Diplomacia e Accion Exteriora (MDAE), entre es ans 2013 e 2018.

Coma resultat de totes aguestes actuacions e programes, son mès de 400 es persones qu'an estat restacades damb DIPLOMAT entà formar-se en encastre internacionau.

Eth hilat Alumni DIPLOCAT nèish damb era volontat de méter en valor eth prètzhèt de capacitacion dera entitat e ath madeish temps èster un bon utís entà mantier eth contacte entre un ample hilat de professionaus damb trajectòries diuèrses mès un perfil e objectiu comun, qu'ei era projeccion internacionau de Catalonha.

124

Becaris e becàries

Damb era volontat de formar professionaus especialistes en relacions internacionaus, integracion europèa e politica euro-mediterranèa que contribuïsquen a posicionar Catalonha en mon, DIPLOCAT compde damb un Programa de bèques entà realizar estudis de mastèr en estrangèr. Ad aguestes bèques s'i pòden presentar es persones graduades en universitats catalanes qu'agen interès en espezializar-se en relacions internacionaus e diplomacia o ena politica de vesinatge dera Union Europèa e, mès concrètament, ena politica euro-mediterranèa.

Becari/ària en Estudis EuromediterranisBecari/ària en estudi internacionau o europeu

40

Estades en practiques

Es practiques professionaus en centres de trabalh constituïssen ua aufèrta de formacion a on er escolanat exercite formes d'aprendissatge desparières des activitats formatives abituaus. Pr'amor qu'ei un temps cuert ena formacion iniciau, permet de desvolopar competéncies professionaus, com eth coneishement d'un entorn laborau restacat ath mestièr, eth contacte damb era organizacion deth trabalh, era assumpcion de responsabilitats e era prenuda de decisions e estratègies de coneishença deth mercat de trabalh, e er inici deth tempteg ena insercion professionau futura.

Escolanat en practiques

72

Mastèr Executiu en Diplomacia e Accion Exteriora (MDAE)

Eth Mastèr Executiu en Diplomacia e Accion Exteriora (MDAE), que compdèc damb cinc edicions en Barcelona entre es ans 2013 e 2018, auie per objectiu d'aufrir ua formacion complementària sus diplomàcia e relacions internacionaus as professionaus dera administracion catalana que trabalhen en aguesti encastres. Com tot programa adreçat ara formacion de personau que ja compde damb estudis superiors e que ja realize prètzhèts executius o de gestion, eth MDAE auie tres caracteristiques basiques: ua aufèrta docenta ampla per çò que hè as contenguts; un punt d'enguarda eminentament practic; e flexibilitat per çò que hè ara realizacion.

Persones graduades MDAE

Xarxa

168

Er objectiu deth hilat Alumni ei d'èster un punt de trobada des professionaus catalans que trabalhen en encastre des relacions internacionaus e an gaudit d'ua bèca o programa de formacion de DIPLOCAT. Ath madeish temps, pòt servir entà qu'aqueri qu'an cargues de responsabilitat o trabalhen en un programa internacionau poguen ajudar e aufrir era sua expertesa as persones de perfil mès junior.

Formen part deth hilat totes aqueres persones qu'apertien a bèra ua des categories descrites mès entà naut que volontàriament s'i volguen aderir.